A actividade forma parte do programa do “Pacto do Estado contra a violencia de xénero” do Ministerio de Igualdade. Esta é a primeira das actividades encadradas neste programa contra a violencia de xénero neste ano 2022.

Nos próximos meses en Pantón faranse outras actividades como un obradoiro de contos, unhas xornadas abertas con actividades varias, así como un roteiro temático e un pequeno documental. En edicións anteriores deste programa o Concello elaborou un documentario, organizou un campamento de surf e realizou diferentes propostas de sensibilización no CEIP Monte Baliño.

Esta fin de semana na estación de esquí de Leitariegos gozan de xornadas de xogos con neve, esquí, rocódromo, etc. Acompáñanos educadoras especialistas na temática, que traballarán e farán reflexionar ás nenas e nenos sobre as múltiples violencias de xénero que acontecen no día a día.