Este xoves, 31 de marzo, Paula Vázquez contará o seu proxecto da Libraría da Proencia, localizado na parroquia de Proendos, concello de Sober. Ademais, na actividade degustarase un doce típico do lugar, o doce de carrola.

A Libraría da Proencia preséntase non só coma libraría; tamén como tenda de agasallos e recordos da zona, así como lugar para eventos culturais e turísticos. A súa impulsora, Paula Vázquez, defende que “dende unha aldea, calquera parroquia rural galega, podemos ofrecer servizos culturais similares ao que adoitamos atopar só na cidade”.

A charla será este xoves, 31 de marzo, ás 20:15 na Casa da Cultura ‘Olga Novo’. O acceso é libre, preferiblemente con reserva, no teléfono 650 624 828.