O concerto solidario coas vítimas de Ucraína que se celebrou esta fin de semana na Praza do Toural do concello de Sober conseguiu recadar 3.332,42 euros.

A organización do concerto en colaboración co concello agradecen a colaboración da xente que se achegou o pasado sábado á Praza do Toural e de todas aquelas persoas que fixeron as súas achegas polas vías previamente habilitadas.

A organización tamén agradece a participación dos artistas encargados de poñer música, Os Parentes e DJ Nacho Morales e Elías Vieira. A contía recadada foi de 3.332,42 euros que irán destinados de xeito íntegro ás persoas de Ucraína a través da conta que habilitou a Asociación AGA-Ucraína.