A delegación da zona sur da Asociación de Empresarios de Hostalería e Turismo de Lugo (Apehl) comunica que o número de referencia para comprobar a rifa premiada co porco de 100 kg da Devesa dos Formigueiros (Asociación Prodeme) é o 53.681, premiado no sorteo da ONCE deste sábado 2 de abril.

A papeleta premiada debe ter as últimas catro cifras iguais ás deste número. A persoa afortunada debe poñerse en contacto coa delegación a través do teléfono 982 41 20 50.

En caso de non aparecer o afortunado antes do venres 8 de abril, volverase a tomar como referencia o sorteo da ONCE do sábado 9 de abril.