O vindeiro sábado 23 de abril a Asociación de Micoloxía Os Lactouros realizará unha excursión aberta ao público para coñecer a paisaxe e as potencialidades da comarca ourensá do Ribeiro.

Dentro desta xornada, que se iniciará ás 08:00 da mañá coa saída en autobús desde as casitas da Compañía, realizarase unha camiñada de 15 quilómetros e dúas visitas guiadas, unha á Adega Priorato de Razamonde e outra ao Castro de San Cibrao de Las, unha das mostras máis destacables da cultura castrexa na Galiza.

A participación é aberta a todos os públicos até completar as prazas. A inscrición pode facerse por teléfono no número 671473982 e ten un custo de 20 €. O prezo inclúe traslados en autobús e as visitas guiadas.