¡Adicatorias a Mamá! é o nome co que bautiza a Asociación de Comerciantes, Empresarios, Profesionais e Autónomos de Sarria (ACES)-CCU a campaña deste ano para celebrar o Día da Nai. O venres día 29 de abril a reporteira da asociación volverá ás rúas de Sarria para recoller as dedicatorias ás mamás. Os cumpridos recollidos subiranse despois ao Facebook do CCU Sarria e o máis votado gañará unha cea para dúas persoas na hostalaría asociada.
As votacións para recoñecer as mellores dedicatorias recolleranse ata o derradeiro día da campaña, e o día 3 de maio a entidade fará publico o resultado.
SORTEO DE VALES DE COMPRA
Dende o 19 de abril e ata o 1 de maio –Día da Nai– as compras nos establecementos asociados darán a oportunidade de gañar un dos tres vales que se sortean por importe de 50 €. Durante a vixencia da campaña, os clientes depositarán os seus tíckets de compra nas furnas habilitadas nos establecementos asociados a ACES, cubrindo os seus datos.
A organización lembra tamén que o martes día 3 de maio ás 13:00 horas procederase ao sorteo ante público dos 3 vales de 50 €. A persoa gañadora da cea será a dedicatoria que máis “Me gusta” ou equivalentes teña ás 23:59 horas do día 1 de maio.
O comercio asociado agradece a colaboración do Concello de Sarria e lembra tamén que a vila conta con establecementos variados, de moi diversos sectores: salóns de beleza, ópticas, axencias de viaxe, roupa, calzado, agasallos, colchonerías, decoración, bares, restaurantes, aloxamentos, etc, onde facer as compras do día a día sen necesidade, na maioría dos casos, de buscar fóra.
