As persoas dependentes, con discapacidade e/ou enfermas a miúdo necesitan da atención diaria ininterrompida. A entidade Albores Saúde Mental, con sede en Monforte e Chantada, observa que “a día de hoxe aínda segue a ser habitual que este tipo de responsabilidades sexan asumidas polas mulleres, o que produce un deterioro da saúde física e mental. Aínda non demos o paso para que o resto da familia tome conciencia de que a sobrecarga e a atención a tempo completo socavan o dereito á igualdade e á saúde, e tome a iniciativa asumindo a súa parte de responsabilidade nos coidados”.
A Fundación Mujeres impartirá un ciclo de 4 sesións –un á semana– dirixido ás mulleres coidadoras. Unha programa formativo que é posible grazas ao programa Servizo Integral de Apoio ás Mulleres Coidadoras, financiado pola Consellería de Política Social da Xunta de Galicia.
Os contidos serán os seguintes:
-Habilidades de comunicación para poñer límites.
-Estratexias para a resolución de conflitos.
-Claves para identificar a “culpa” e xestionala de forma saudable.
As sesións terán carácter gratuíto, levaranse a cabo nas instalacións do Club Xuvenil “A Casa do Neno”, situado na Rúa Cobas en Monforte de Lemos todos os xoves, dende o 12 de maio ata o 2 de xuño de 10:30 a 12:30 horas. A entidade Albores agradece a cesión das instalacións a Diego Rosales Galiñanes.
Segundo contan en Albores, o pasado ano realizouse un programa semellante para coidadoras con diferentes contidos cunha acollida moi boa, co cal se este ano se repite o éxito de inscrición valorarán realizar máis a miúdo estas formacións. Para inscribirse, as interesadas poden contactar e inscribirse antes do 6 de maio no 982 404968 ou en albores@albores.org
