HomeCultura"Galegas na ciencia" preséntase este día 6 no Ateneo Casino

“Galegas na ciencia” preséntase este día 6 no Ateneo Casino

O Ateneo de Monforte acolle este venres, ás 20:15 horas, a presentación de Galegas na ciencia, publicado por Belagua Ediciones. O libro recolle as biografías de vinte galegas pioneiras no mundo da ciencia.

Publicado o

POR
Redacción
- Advertisement -

O libro recolle as biografías de vinte galegas pioneiras no mundo da ciencia. No acto intervirán a autora, Isabel Blanco, e a editora, Edurne Baines.
De Isabel Zendal (1777) a María Teresa Miras Portugal (1948), as mulleres das que se ocupa este libro teñen en común a súa galeguidade e o feito de seren pioneiras nos seus ámbitos.

Elas abriron as portas da ciencia vencendo obstáculos e, en ocasións, burlas e desprezos. Malia os seus logros, foron silenciadas e ignoradas pola historia. Galegas na ciencia reverte esta ausencia recuperando as biografías da primeira xinecóloga, a primeira arquitecta, a primeira astrónoma, a primeira programadora… Os textos son acompañadas por magníficas ilustracións de María Lapido.

A escritora e xurista, Isabel Blanco, busca con este libro animar ás novas xeracións a perseguir os seus sonos. “Quixen facer un libro que axude a romper estereotipos de xénero abrindo as portas das ciencias a homes e mulleres por igual,” explica a autora. “E, para iso, decidín apoiarme na historia destas vinte mulleres científicas, que teñen que servir como referentes”.

Galegas na ciencia visibiliza a figura destas mulleres contextualizando o momento histórico que lles tocou vivir, e sinalando os obstáculos que tiveron para desenvolver as súas capacidades. A presentación será este venres 6 ás 20:15 no Ateneo Casino de Monforte de Lemos. O acceso ao evento é libre ata completar aforo

ÚLTIMAS

Tomé presenta uns Orzamentos de 21,5M€ incrementándose nun 16% con respecto ao 2025

O orzamento será sometido a debate e aprobación no Pleno municipal do vindeiro luns...

O BNG de Monforte esíxelle ao Concello solucións para as traballadoras da limpeza nos colexios públicos

A formación nacionalista lembra que xa preguntou no anterior pleno pola situación destas traballadoras...

O Centro Comercial Ponte Vella dálle a benvida ao Nadal

O C.C. Ponte Vella dará a benvida á Nadal hoxe co acto simbólico de...

“Entre Bruxas” en Torbeo, este 21 de novembro desde as 18:00

No 2025, asociación e concello puxeron en marcha «Tempo de Bruxas», un encontro dedicado...