Ás 4.30 da madrugada deste luns 17, o Centro Integrado de Atención ás Emerxencias (CIAE) 112 Galicia recibía  a chamada dun particular que informaba dun choque entre un camión do leite e unha furgoneta. Mentres, o 061 alertaba dun accidente no lugar de Armea de Abaixo, no punto quilométrico 5.5 da LU-622, cunha persoa inconsciente e atrapada no interior do vehículo. O mesmo condutor do camión –implicado- indicaba aos xestores de emerxencias que a furgoneta se saltou un stop e chocou contra o camión.

Ata o lugar desprazáronse os axentes de tráfico e os Bombeiros de Sarria, que confirmaron a excarceración da vítima do interior do vehículo tras envorcar contra un balado e chocar contra o camión.