A xornada, que leva por título E se falamos de laranxas? Amor romántico, diversidade e liberdade, terá lugar este xoves, 2 de xuño, ás 20:15 h, no Ateneo Casino, de Monforte de Lemos. Será impartida por Verónica Ledo e Natalia González, da cooperativa galega Educalecrín.
E este venres, día 3 de Xuño, a partir das 20.15 h organízase tamén no Ateneo Casino a presentación e firma de exemplares da nova edición actualizada da “Guía da Ribeira Sacra”, de Manuel Garrido, editada por Edicións Xerais de Galicia. Este acto está organizado pola Libraría Agrasar.
En canto ao programa de actividades do Cume Tapas, organizado pola Asociación de Empresarios de Hostalería de Turismo de Lugo (Apehl), despois do encontro sobre diversidade, ofrecerá un concerto de Andrés Montes, o domingo, 5 de xuño. A cita ás 19.00 no Centro do Viño da Ribeira Sacra.
