A pasada fin de semana, 11 e 12 de xuño, celebrouse en Segovia o Campionato de España de menores da ONCE onde o atleta da Gándara, Roi Salgueiro Montero, conseguiu dúas medallas, o bronce na proba de 1500m e a prata nos 400
“A pesar das altas temperaturas e da imposibilidade de adestrar con normalidade desde que comenzaron as obras no Campo de Fútbol da Pinguela, Roi fixo un grandísimo campionato traendo dúas medallas para Monforte”, afirma Rubén de Vicente, presidente do Atletismo A Gándara,
Atletismo A Gándara reclámalle ao Concello de Monforte alternativas para que convivan obras e adestramentos
Desde o centro presentaron un escrito no concello solicitando que se busque a maneira de que poidan convivir adestramentos e obras, “Tivemos que suspender a Escola de Atletismo porque non podemos ter a nenos e nenas de entre 6 e 10 anos correndo polas rúas e os atletas maiores fan o que poden”, din desde a directiva da Gándara.
Rubén Castro, o adestrador da Gándara lembra que se está a final de tempada, cos conseguintes Campionatos Galegos e de España das distintas categorías a punto de celebrarse “e levamos desde o 1 de xuño sen posibilidade de usar as únicas pistas de atletismo que hai no Concello de Monforte.” A pesar de que desde o concello se lles comunicou que as obras durarían unha semana, xa van tres semanas sen poder adestrar, “non o podemos soportar, hai atletas que se xogan moito neste último momento da tempada e non é xusto que paguen eles pola falta de planificación e organización do Concello”, conclúe Rubén.
