A noite do 23 de xuño numerosas tendas asociadas ao CCU monfortino abrirán en horario especial, desde as 20:30h ata a 01:30h da madrugada, para que veciños, veciñas e visitantes poidan gozar dun ambiente festivo e diferente para facer as súas compras.

Entre as actividades que se realizarán cómpre destacar a presenza de varios zancudos animando as principais rúas comerciais de Monforte e a esperada “IV Edición da #StreetFashionMonforte” con exhibicións de moda a pé de rúa. Os horarios e lugares onde se realizarán os pases de moda a noite do día 23 serán os seguintes: 

Ás 19:30h Rúa Cardenal.

Ás 20:30h Rúa Doutor Teixeiro.

Ás 21:30h Rúa Comercio.

Na Street Fashion Monforte varios veciños e veciñas de Monforte e arredores vivirán a experiencia de ser modelos por un día desfilando coas prendas e complementos cedidos por tendas asociadas ao Centro Comercial Urbano de Monforte (CCU).

QUERES SER MODELO POR UN DÍA?

Os organizadores están a convidar eses días á xente para participar como modelo nesta nova edición da #StreetFashionMonforte. Con ese obxectivo están facendo unha convocatoria para asistir a un casting que terá lugar o martes 21 de xuño ás 19:30 h. na Rúa Cardenal (zona peonil). No mesmo seleccionaranse modelos a partir de 4 anos.

As exhibicións de moda estarán acompañadas pola música dun DJ e haberá actuación musical en directo.