HomeComarca de QuirogaRibas de SilSardiñada, concerto e carrilanas en San Clodio

Sardiñada, concerto e carrilanas en San Clodio

A noite de San Xoán un establecemento local fará sardiñada e un concerto, mentres que o sábado 25 terá lugar unha interesante ‘Descenso de Carrilanas’ na baixada da Moá organizada polo Concello de Ribas de Sil.

Publicado o

POR
Redacción
- Advertisement -

Este xoves 23 de xuño, o Bar Central de San Clodio, en Ribas de Sil, convida a participar dunha gran noite de San Xoán. Non faltará a típica sardiñada para celebrar de forma festiva a chegada do verán, pero ademais haberá un concerto a cargo do grupo Carta de Ajuste. Este dúo que chega de Lugo para a ocasión ofrecerá o espectáculo “O mellor e o peor dos 80 e 90 en concerto”, un show cun repertorio que lembrará aqueles anos e que se presenta cun directo cheo de interacción co público e moito humor.

Elena, a xerente do establecemento de Ribas de Sil, convida a achegarse para degustar a “rica sardiña” e a continuación, sobre as 23:30 h., a pasalo ben ao ritmo da música de Carta de Ajuste. 

CARRILANAS

De cara ao sábado 25 de xuño terá lugar na estrada da Moá o “Primeiro Descenso de Carrilanas de competición”. A proba comezará ás 15:00 horas e calcúlase que dure ata as 19:00 h. Quen poida poderá achegarse a ver as carrilanas xa desde a mañá pois estarán na Praia Fluvial de San Clodio para facer a correspondente verificación dos vehículos antes da competición.

Segundo informa o Concello de Ribas de Sil, organizador do evento, hai xa máis de vinte e cinco inscritos. Trátase de carrilanas de competición de diferentes clases e modelos –kart, Skeleton, rodamentos,neumática GX, etc–.

ÚLTIMAS

“Coreografías do facer: imaxes do traballo feminino en Gustav Henningsen”, a exposición na igrexa nova de Chantada

A igrexa nova de Chantada acolle ata o 20 de abril a exposición "Coreografías...

Monforte presenta a programación da Feira Medieval na inauguración do Mercado previo a esta cita

A 21ª edición da Feira Medieval celebrarase os días 19 e 20 de abril...

O Ministerio de Transportes responde a Por un Interior Galego Vivo

O Ministerio responde sinalando os plans previstos en determinados puntos das estradas. Están en...

Éxito da carreira Xacorun e para o 3 de maio prepárase a Pretorian Race

No encontro avaliouse o éxito de participación que rexistrou un ano máis a primeira...