O Concello de Sarria concedeu o venres 21 de setembro, a licenza municipal pertinente para que o empresario taurino, Juan Santos, celebrara a súa corrida de touros programada para o vindeiro día 30. Sen embargo, e a tan so de 7 días para tal celebración, o acto finalmente non se levará a cabo.
Para que a xornada gozara de todas as medidas pertinentes, o grupo de goberno local xa tiña organizado o dispositivo especial para ese día acordado nunha xunta de seguridade na que participaron a subdelegada do goberno, Isabel Rodríguez, a alcaldesa de Sarria Pilar López e representantes da Garda Civil, Tráfico e Policía Autonómica e Local
Con todo previsto por parte do goberno local e forzas de seguridade, finalmente o empresario taurino non vai levar a cabo o seu propósito alegando falta de tempo para publicitar o evento e tamén para entregar a documentación pertinente na Xunta de Galicia.
Cómpre lembrar que este evento íase celebrar dentro dos festexos programados para as Festas de San Xoán de Sarria pero finalmente foi aprazado. Un evento moi controvertido pois dende a formación Galicia, mellor sen touradas levaron a cabo diversas manifestacións rexeitando que o a súa localidade albergue festexos de esta índole. Con 2600 sinaturas recollidas e os partidos de oposición á actual rexedora en contra, finalmente o corrida íase celebrar sen financiación municipal.
