O programa da Deputación de Lugo ‘Saborea a túa provincia’ chegou este sábado ao Campo da Feira de Ferreira de Pantón con demostracións culinarias, actuacións musicais e talleres de cociña para os máis pequenos.

Martín Mantilla, do restaurante Berso, elaborou nas cociñas do autobús do ‘Saborea’ un Roast Beef de vaca galega con tomate eco, castañas e queixo da Ribeira Sacra que puideron degustar as persoas que se achegaron a Pantón este sábado.

Ademais, Xograres de Lemos e o grupo Atlántica foron os encargados de pór ritmo a esta xornada lúdica na localidade lucense na que participou como representante da Diptuación a deputada de Réxime Interior, Promoción do Territorio e Turismo, Pilar García Porto.