Durante eses dous días, os establecementos participantes ofrecerán grandes descontos, co obxecto de dar saída aos stocks de anos anteriores e/ou ó produto excedente da tempada de verán. Calzado, roupa, roupa infantil, agasallos, complementos, fogar,… unha ampla variedade de produtos que poderán adquirir os clientes a prezo rebaixado. As ofertas abarcarán todo tipo de produtos e servizos ofrecidos polos locais adheridos a esta iniciativa.

Esta novena edición conta coa participación de 26 establecementos, que terán unha zona “Outlet” onde os clientes poderán beneficiarse dos produtos a prezo de saldo. Un distintivo xigante nos escaparates identificará a preto da trintena de comercios participantes, os cales abrirán as súas portas no seu horario habitual.

“Unha actividade máis coa que poñemos na rúa unha proposta para fomentar o mercado local e á que convidamos a participar, connosco, a todo o público de Sarria”, sinalan desde o CCU de Sarria.