A veciña de Sober Emilia Rodríguez López, natural de Froxán (Proendos), cumpriu 100 anos o pasado sábado 10 de setembro.

Un aniversario así non podía quedar sen celebración, co cal Emilia festexouno nun restaurante de Sober acompañada do seu único fillo José Ramón e dos seus familiares e amigos máis achegados.

O alcalde, Luis Fernández Guitián, achegouse para felicitala persoalmente en nome de todo o concello e facerlle entrega dun ramo de flores.

O Concello de Sober conta a día de hoxe con dez persoas centenarias, 8 mulleres e 2 homes.