O Concello de Monforte programa esta actividade de divulgación astronómica nocturna en colaboración coa Universidade de Santiago de Compostela e o Observatorio Astronómico Ramón María Aller. Conta co financiamento da Consellería de Cultura e Turismo dentro do programa O teu Xacobeo.

O propósito é poñer en valor o significado da Vía Láctea e a súa relación co Xacobeo, explicando en que condicións marca o camiño cara Compostela.

O proxecto mergullará ós participantes no mundo da astronomía mediante a visión nocturna tanto a simple vista como con telescopios.