Araceli naceu en Cancelo, na casa da Torre, e casou na mesma aldea coa casa Belón. Tivo un fillo e unha filla e ten unha neta e dous bisnetos. Este sábado acompañouna toda a familia, tamén a súa irmá Julia de 94 anos.

A centenaria dedicouse á labranza e á casa. Vive na casa familiar co seu fillo Luis e a súa Nora Esperanza e atópase estupendamente.

Con motivo do seu centenario recibiu a visita da alcaldesa de Triacastela, Olga Iglesias, e do tenente de alcaldesa Óscar Fontal.

O Concello de Triacastela conta a día de hoxe con tres mulleres centenarias.