A suma dos investimentos que o Concello destinou á renovación do firme nestas rúas foi de case 1800.000 euros (177.064,09€). “Deste xeito” engadiu o Alcalde, “o Equipo de Goberno deste Concello segue a licitar a contratación de obras, servizos e subministros públicos para seguir mellorando Monforte tal como vimos facendo dende que chegamos ó Goberno fai 7 anos, e que seguiremos facendo para cumprir o compromiso que temos con todos os monfortinos e monfortinas”.
Nas obras desenvoltas nestes días, o Concello mellorou o firme desta rúa que se ubica na zona do Cuartel da Garda Civil de Monforte, que une as rúas Morín con Rosalía de Castro. Procedeuse á renovación do firme desta rúa, nunha extensión de 238 metros lineais.
Fresouse de toda a superficie da vía, ó bacheo para suprimir os afundimentos, e nestes días estase a colocar unha nova capa de rodadura de aglomerado en quente de 5 cm. de espesor. Por último, se procederá ó pintado de marcas viais, de símbolos e cebreados.
O rexedor monfortino resaltou que “o traballo para mellorar o Concello non para en ningún momento en todos os seus aspectos, xa sexa no rural, no saneamento, no abastecemento, nos parques nas rúas ou no Polígono”.
