A pista multideportiva ocupa un espazo de 22×12 metros. Ten herba artificial e conta con porterías, canastras de baloncesto e cunha rede interior móbil para permitir a práctica doutras modalidades deportivas como o bádminton e voleibol.

A ubicación en Valdriz decidiuse coa intención de humanizar este espazo verde ao carón do río. En próximas actuacións o concello quere iluminar a pista deportiva e  acondicionar o paseo do río.

Desde a Deputación sinalan que con este tipo de actuacións se pretende dotar aos concellos de servizos públicos que garantan a igualdade de oportunidades e combatan o despoboamento. Apostando, neste caso, polo deporte como hábito de vida saudable. O Presidente provincial, Darío Campos, aseguraba que a Deputación de Lugo é a 1ª de Galicia e a 3ª de España que máis inviste en deporte por habitante.