O Grupo municipal do bng en Pantón vén de rexitrar unha moción coa petición de levar a luz pública a unha casa situada no lugar de Amorín, na parroquia de San Xoán de Frontón, moi próxima ao poboado da Chaira, que foi onde viviron os traballadores do salto.
Fanse eco, dende o BNG, dunha petición reiterada dos propietarios dunha vivenda que tan preto de dous encoros e dun poboado con este servizo, din que “supón ademais dun incumprimento da súa obriga por parte do goberno municipal de Pantón, un contrasentido, xa que onde se produce a electricidade para millóns de persoas europeas, non temos luz pública municipal” . Os nacionalistas amósanse optimistas e agardan que isto se solucione con brevidade, porque “é terceiromundista”, din.
Así, piden que se tomen medidas urxentes para garantir a seguridade e os dereitos, alén de cumrpir coa igualdade de trato. “Teñen que acabarse unha vez por todas os desprezos e os favoritismos”, lamenta a portavoz municipal RosaAna Prieto Florines.
