O Ingreso en HADO supón un aforro dos custes sanitarios e uns coidados personalizados e individualizados para o paciente, pois reciben a mesma atención ca no hospital sen saír da súa casa, mellorando a súa calidade de vida. Poder comer a súa comida, estar no seu entorno, son coidados especiais que non poden ter nun hospital cun réxime que restrinxe horarios e visitas.
Os socialistas lamentan que a pesar destas ventaxas, a día de hoxe os veciños e veciñas do Incio non teñen acceso a esta prestación asistencial. “O que os sitúa nunha clara discriminación en relación de concellos limítrofes que sI dispoñen desta prestación como Sarria, Paradela ou A Pobra do Brollón”.
“Non é de recibo que a Xunta de Galicia trate os veciños en primeira e segunda categoría nin moito menos que as prestacións médicas se outorguen dependendo do concello no que un resida”, así os socialistas presentarán ao proximo pleno, unha moción para instar ao Sergas a que estenda o servizo de HADO ao municipio do Incio.
