A programación da Rede Galega de Teatro e Auditorios do primeiro semestre de 2023 en Monforte de Lemos verase alterada ao ter que suspender a representación que estaba prevista para o 16 de febreiro.

Responsables da compañía Fulano, Mengano e Citano veñen de anunciar a necesidade imperiosa de suspender a función da súa obra “A louca historia de Galicia” en Monforte co cal haberá que esperar a unha data futura para recuperar a programación da mesma.

O resto da programación seguirá a desenvolverse da forma prevista e anunciada xa dende o Concello. A vindeira cita co teatro en Monforte terá lugar o día 9 de marzo da man de Olivas Negras coa obra “Doce uvas, dúas mulleres e unha oliva”.