O pasado domingo 12 de febreiro, o Concello de Arzúa celebraba o seu ‘Concurso de Disfraces’, unha actividade que está collendo bastante repercusión e que atrae participantes de toda Galicia.

O nivel de creatividade é cada ano maior e o concurso celébrase no Multiusos Terra do Queixo cunha gala na que se van dando a coñecer os diferentes disfraces, en formato colectivo e individual, para que despois un xurado escolla aos mellores que levarán diferentes premios. A presentación correu nesta edición a cargo do humorista local Xan Veiga.

Nesta edición participaba un veciño de Sober, Iván Armesto. Fíxoo na categoría de disfraz individual adulto e levou un premio de 120 € pola súa creación “O león e o seu domador”.

No Galicia Confidencial inclúen información máis detallada deste evento.