O mércores, 15 de febreiro, o colectivo comezou coas axudas para poñer as reclamacións pertinentes pola situación do servizo de rehabilitación do Hospital Comarcal de Monforte, que carece de médico rehabilitador desde hai varios meses.

Segundo Pladesapu, varias persoas beneficiáronse xa do servizo de asesoría que brinda a plataforma, “poñendo reclamacións por comezar a rehabilitación sen ser evaluado por ningún médico rehabilitador, e nalgún caso incluso demorando a rehabilitación ata case dous meses despois da ciruxía, véndose obrigados así a acudir a sanidade privada.”

Lembran que están a dispor para asesoramento e outras xestións e reclamacións todos os mércores de 17 a 18h na aula 1 da UNED da Casa da Cultura de Monforte. Pódese contactar tamén por Facebook e Instagram e no correo pladesapumonforte@gmail.com