O pasado 5 de marzo ás 18:00 h. tivo lugar a Asemblea Xeral Ordinaria do Círculo Saviñao no seu local de Escairón cunha orde do día na que se fixo balance de actividades do 2022. Aprobouse o orzamento para este ano, presentáronse as propostas de nova Xunta Directiva e rematouse coa quenda de rogos e preguntas.
No que respecta á memoria anual de actividades deuse conta do numerosas e variadas que foron, contando con presentacións literarias, recitais poéticos, exposicións, actuacións musicais, teatro, e ata festas e proxeccións cinematográficas.
A nova Xunta Directiva quedou como segue: Enrique Sampil, presidente; José Armesto Vázquez será o vicepresidente, Ana Otero Gómez, secretaria; Beatriz García López, vicesecretaria; Antonio Jesús Gallardo, tesoureiro; Fernando Parro, contador; e Mariano López Nieves e Pedro Guitián pechan como vocais.
