Asegura Esperta Monforte que Pantón e A Pobra do Brollón teñen declarado o seu ámbito como libre de eucaliptos e consideran que o mesmo debe facer Monforte como capital da Ribeira Sacra.
Según informe do Ministerio de Medio Ambiente o eucalipto é unha especia exótica invasora e colonizadora que causa graves danos na biodiversidade local, ademais de agravar os incendios forestais. Tendo en conta que Monforte está incluído na Rede Natura 2000, que é paso do Camiño de Inverno e aspira, como capital da Ribeira Sacra, a obter o recoñecemento de Patrimonio Mundial para este territorio, Esperta Monforte presenta unha moción pedindo que se declare o concello libre de novas plantacións de eucalipto polo seu negativo impacto. Piden tamén que se vixíen as plantacións existentes e que se inste á Deputación Provincial e a outros concellos da Ribeira Sacra a tomar a mesma medida.
Esperta leva a pleno tamén, con respecto á antena de telefonía que “se vai a instalar nun edificio da rúa Roberto Baamonde”, un rogo para coñecer a altura de dita antena e una pregunta sobre porque non se recurriu a autorización dada por Patrimonio para esta instalación.
