O acto consistiu na proxección de 3 curtametraxes realizadas no colexio Escolapios, sendo o director o profesor Javier Saco, mestre que tivo como iniciativa doar os cartos das entradas á Asociación Cultural Musical “Luis Nieves”.

As curtas presentados foron “Darlo todo” (2018), “La Buena Elección” (2019) e “La chica de la Ventana” (2022), esta último galardoado o pasado martes co primeiro premio do certame Cineduca que organiza o Ateneo de Santiago para todos os centros educativos de Galicia.

Toda a recadación obtida neste pase especial será destinada integramente á mencionada asociación, que outorga anualmente unha bolsa musical para aquelas persoas que carecen de recursos económicos para iniciar ou ben continuar os seus estudos musicais. A filosofía desta iniciativa é fomentar a creatividade e a solidariedade entre a mocidade de Monforte, educando en valores e favorecendo a igualdade de oportunidades no acceso á cultura.

No ano 2019 Xornal de Lemos falaba coa nai de Luis Nieves, creadora da asociación monfortina.