O alumnado de 4º ESO e 1º de Bacharelato con Francés do IES A Pinguela vén de recuperar o habitual intercambio co Lycée Edouard Branly de Chatellerault.

Coñeceron Burdeos, Tours (cathédrale, place Plumereaux, musée des beaux arts…) e París (Montmartre, Torre Eiffel, Bateau Mouche, Musée de Louvre, Fontaine St Michel…), visitaron Futuroscope e Eurodisney, “nunha viaxe espectacular organizada polo departamento de francés do centro.”

A finais de abril serán os alumnos do centro monfortino os que reciban aos seus correspondentes franceses para coñecer a Ribeira Sacra e outros lugares de Galicia.