A voceira do PSdeG no Concello e candidata á alcaldía, Carmen Álvarez, asegurou que “esta total falta de transparencia é unha proba máis de que a Alcaldesa sempre lle quere salvar a cara ó PP na Xunta de Galicia”.

“Por que non están traballando as máquinas? Que está facendo a Xunta de Galicia? Cando se retomarán os traballos?”, pregunta a voceira do PSdeG e asegura que “este novo contratempo súmase á nefasta xestión que vén facendo o Goberno autonómico con respecto á LU-651”.

Lembrou que a mellora da estrada entre Seoane e Folgoso do Courel “leva pendente, bloqueada e sen executar dende fai máis dunha década, que un tramo da estrada que a Xunta decidiu establecer como desvío é intransitable, e que un treito da vía entre Folgoso e Quiroga leva afundido máis dun ano”.