O sábado 27 de maio ás 19:00 h. terá lugar o 2º Slam Poetry de Bóveda no Centro Sociocultural de Bóveda, unha ocasión inmellorable para afrontar o remate da xornada de reflexión antes das votacións municipais do domindo 28.

Comentan dende a organización que aínda están abertas as inscricións para participar e que quedan algunhas prazas por completar as sete persoas que formará parte do slam. Para anotarse hai que enviar un correo electrónico a bovedaslampoetry@gmail.com informando do nome e/ou pseudónimo xunto cun teléfono de contacto.