Héctor Corujo destaca a boa sintonía do equipo e coa nova incorporación que “pon de manifesto que un dos grandes obxectivos para os próximos catro anos é consolidar ao concello como referencia nas políticas de desenvolvemento rural.”
Corujo resalta que o mandato que termina estivo marcado pola pandemia e polas consecuencias que tivo sobre a xestión, lembrando “as adversas condicións nas que el e o seu equipo se fixeron cargo do Concello despois das eleccións do 2019, como consecuencia fundamentalmente do gasto que producían dous servizos: o abastecemento de auga e o alumeado público. “No mandato que remata, encamiñamos o tema económico e agora, aproveitando que o encoro de Vilasouto consigue a condición de navegable, traballaremos para dar pulo ao Incio como concello turístico, porque temos unha zona de lecer moi importante”. Destaca tamén ter aprobado o Plan Xeral de Ordenación Municipal (PXOM), “que terá unha incidencia positiva e decisiva para o futuro do municipio.”
De cara ao próximo mandato, Corujo asegura que se aplicará o convenio firmado coa Fundación Uxío Novoneyra para desenvolver con fondos europeos os camiños de Santiago, “un proxecto compartido co Courel e o que pretendemos é facer un itinerario cultural dende Samos, polo Incio ao Courel. Imos colocar O Incio no mapa do turismo”. Lembrou o ter traballado para conseguir dúas casas do maior e dúas casas niño e asegurou querer seguir ma mesma liña e avanzando na mellora dos saneamentos, das traídas de auga e da rede de estradas municipais.
A candidatura do PP do Incio intégrana:
- Héctor Manuel Corujo González
- Ramón Dositeo Mourelo López
- María Mayra Frean Mourelo
- Antonio Rodríguez López
- Goretti Díaz Armesto
- Sandra Fernández Gandoy
- Daniel Arias Jato
- Daniel Magdaleno Sánchez
- José Manuel Vilariño López
Como suplentes están: Antonio González Santos, Juan Álvarez López, José Antonio Valcárcel Pereiro.
