A presentación da candidatura fíxose no restaurante Río Loio de Paradela, contando, entre outros, co Delegado do Goberno en Galicia, Jose Ramón Gómez Besteiro, así como militantes e veciñanza. Besteiro salientou que “Iván leva conseguido máis para Paradela que o alcalde, pois pide melloras para o seu concello aínda estando na oposición.”
Iván Castro destacou que “cando nacín, fai case 31 anos, gobernaba no noso concello a mesma persoa que hoxe segue sendo alcalde. Por iso creo que sería moi positivo para Paradela un cambio de ciclo político. Entendemos que é necesario renovar a ilusión cun novo empuxe e con novos aires e, por suposto, con outras formas de gobernar. Temos moitos proxectos para desenvolver e podemos facelo xuntos”.
“Teño unha ilusión tremenda por mellorar o noso pobo e conseguir que os nosos maiores poidan ter uns servizos de primeira, tal e como se merecen, nun concello no que os seus netos poidan traballar e vivir en Paradela, asentando aquí os seus proxectos de vida”, destacou o candidato. Sobre a candidatura que o acompaña nesta cita electoral asegurou que “combina experiencia con xuventude, con moita ilusión, pero sobre todo únenos o noso forte compromiso con Paradela”.
A candidatura socialista de Paradela está composta por:
- Iván Castro Díaz
- Sara Arias López
- Kevin José Gayoso Vázquez
- Verónica Rodríguez Rodríguez
- Marcos Díaz Quiroga
- Rubén López Fernández
- Iria Rodríguez López
- Manuel López López
- Jorge González Castro
Como suplentes: Alfredo Casto Pérez López; Ramiro Taboada Rodríguez; Noel Magdalena Rodríguez; Carlos López López; Jessica Fernández López; Lorena López Fernández; Tania Rodríguez López; Miguel Ángel Arias Armesto; Rocío López Diéguez e Lorena Díaz Carrasco.
