“Lamentamos ter que comunicarvos que nos vemos na obriga de aprazar o concerto do CourelSon 23 previsto para mañá no souto de Miraz ante as previsións meteorolóxias, que avisan dun 100% de tronada con alerta amarela por auga e raios”, din dende a organización.

A decisión tomada dende a Asociación de Desenvolvemento Rural Serra do Courel busca garantir a seguridade dos músicos e das persoas que ían participar no concerto. En palabras deles, “as previsións climatolóxicas impedirían que o concerto se desenvolvera nas mellores condicións, no mellor espazo e cos mellores músicos”.

Así as cousas, a actuación de Abe Rábade e Davide Salvado pasará ao vindeiro 30 de xuño.