Un xantar homenaxe no Campo de Golf monfortino serviu para xuntar a máis de 80 persoas entre compañeiros de traballo, asistentas sociais dos distintos concellos da comarca de Lemos e asociacións, traballadoras do SAF, ademais de membros das distintas corporacións municipais que pasaron polo Concello de Monforte nos 36 anos de servizo de Gloria Otero Saco.

Todos e todas destacaron a traxectoria exemplar de Gloria, que montou os Servizos Sociais da Comarca comezando desde cero, recorrendo no seu Dyan6 todos os concellos da contorna axudando co seu traballo e dedicación a quen o necesitou en todo momento. No transcurso do encontro non faltaron momentos para o recordo, nin anécdotas despois de tantos anos de traballo como Asistenta Social.

“Despediuse a unha grandísima profesional, unha boa compañeira e unha mellor persoa”, din os seus compañeiros e compañeiras do concello.