O obxectivo destas charlas abertas á cidadanía é informar das axudas e subvencións ás que poden acollerse os produtores do sector primario. Carlos Vermello Pombo, Enxeñeiro técnico agrícola e agrónomo especialista en explotacións agrarias e Lucas X. Vázquez Gigon, Enxeñeiro técnico agrícola especialidade Hortofruticultura, Xardinería e Asesoría Gandeira; os dous cofundadores de Xestogal abordarán cuestións como a PAC, incidindo nas liñas de axuda centradas na Montaña e as denominadas Zonas con convivencia con grandes carnívoros.
Tamén se dará conta das subvencións dos Fondos NextGeneration, as subvencións anuais para reestruturación de viñedos, plan de comercialización ou de investimentos diversos, as vías de financiamento das empresas agropecuarias da zona e xudas e subvencións forestais
A xornada impártese dentro do proxecto para afrontar o reto demográfico aprobado polo MITECO e que desenvolve NOAINNVA en colaboración con diversas empresas do Courel.
