O concello de Monforte informa de que o aparcamento do Parque dos Condes permanecerá pechado dende este xoves, día 22 de xuño, ás 22:00 h e durante todo o día 23 por mor da celebración dun concerto organizado por “Cadena Dial”.

O concerto que conta coa colaboración da Deputación Provincial de Lugo e do Concello de Monforte de Lemos terá lugar o venres, día 23 de xuño, ás 22:00 h e que será de entrada gratuíta.

O aparcamento do Parque dos Condes volverá a abrirse ao público, o sábado día 24 ás 7:00h da mañá, retomando a normalidade. Lembran tamén desde o concello que durante as horas de peche do “Parking Parque dos Condes” poderase estacionar no aparcamento da rúa Sarria.