Desde o IES A Pinguela aseguran que “o alumnado sobresaínte do IES A Pinguela nas ABAU case duplica a media de Galicia, ó alcanzar o 18,2% dos presentados ás probas, e somos o 4º centro da provincia de Lugo en número e en porcentaxe de sobrasaíntes.”
O centro únese aos parabéns que o alumnado recibiu do Presidente da Xunta de Galicia, dos rectores das 3 Universidades galegas, alcaldesa de Santiago, representantes de profesores e alumnado, responsable do programa A Ponte USC- Ensino Medio…
Todos coincidiron ó sinalar que no Multiusos do Sar estaba nese momento o mellor talento de Galicia do seu curso. “Ó noso alumnado felicitouno persoalmente tamén o Conselleiro de Cultura, Educación, FP e Universidades, don Román Rodríguez.”
“Estamos orgullosos do resultado das ABAU 2023 e desta promoción de 2º de Bacharelato que nos confiou a súa formación postobrigatoria”, afirman desde o IES A Pinguela. “Dos 44 alumnos/as que superaron as probas, sumando as materias específicas, 7 superan o 13 (16%) unha cualificación que lles permitirá elexir máis fácilmente os estudos da súa preferencia, e que permite visualizar o esforzo desenvolvido durante estes dous cursos”, conclúen desde o centro.
Alumnado IES A Pinguela expedientes de Galicia nas ABAU / IES A Pinguela
