Por Chantada- Interior Galego Vivo xa rexistrou as súas alegacións e ponse ao dispor da veciñanza para facer as aclaracións que foren precisas. Lembran que sobre “o mamotreto da praza de Santa Ana”, ó que se liga este “proxecto” de urbanización, pesa un contencioso pendente de resolución.
Desde Por Chantada insisten na importancia de que as persoas propietarias que poden ser expropiadas e a veciñanza en xeral “pode alegar que a rúa debería abrirse ata o pavillón e non simplemente uns metros para tentar legalizar a licenza condicionada do mamotreto de Santa Ana.”
Lembran que xa na campaña electoral advertiron do que entenden que é unha operación especulativa no corazón da vila. “O Goberno tentou traer a pleno a urbanización para amparar a licenza do edificio, mais finalmente retirouna após a solicitude dun informe de secretaria, impulsada polo noso grupo municipal e co apoio do PSOE, sobre a legalidade do asunto. Para non pronunciarse sobre a legalidade da licenza desde Secretaría o alcalde publicou o Decreto 219/2023 polo que se retira da orde do día do Pleno convocado para o 9 de marzo de 2023 o expediente do Proxecto de urbanización da rúa do Rego. O alcalde recoñeceu sen pudor nun Pleno, que faltan documentos e informes dun expediente tan delicado do ponto de vista urbanístico e xurídico.”
Parcelas afectadas e cesións
