A Consellería do Medio Rural leva achegado máis de 3 millóns de euros á empresa a través do programa de apoios para os investimentos en transformación e comercialización de produtos agrarios, dos que abonou o pasado mes de maio 1,2 millón de euros correspondentes á ultima anualidade da axuda. Actualmente tramita unha nova solicitude presentada ao abeiro da convocatoria deste ano.

A multinacional láctea recibiu en concreto 3.031.460,88 euros para a factoría monfortina mediante esta liña de incentivos, impulsando un investimento global de 13,7 millóns de euros. 

Estas achegas da Consellería están orientadas á creación, ampliación e modernización das instalacións ou dos procesos de transformación.