A portavoz popular, Katy Varela, volve a denunciar “a maneira que ten Tomé de entender a xestión municipal”. Asegura que o concello inviste en maquillaxe urbano, pero non en infraestruturas hidráulicas, “como proba, os novos rebentóns que veñen de ocorrer no final da Rúa Reboredo, na estrada do polígono industrial, que estaba sendo pavimentanda e unha vez rematados os traballos houbo dous rebentóns e foi preciso picar o novo pavimento”.
Katy Varela explica que a situación é a de sempre, “non se solucionan os problemas básicos, como é o do abastecemento, que levamos criticando durante todos estes anos, de maneira que paviméntase por riba do que está sen arranxar e finalmente hai que volver a levantar o xa asfaltado. O gasto duplícase para os contribuíntes”.
No PP reivindican solucionar “dunha vez por todas, os servizos básicos que están en mal estado, como é o abastecemento de auga, porque é preciso que haxa máis sentido común á hora de gastar os cartos dos monfortinos”.
