As obras de mellora na rede de abastecemento de auga na rúa Roberto Baamonde faranse na acometida de abastecemento municipal ubicada á altura do nº 1.

Estas obras de mellora suporán que se leven a cabo cortes dende as 9:00 horas no subministro de auga que afectarán á propia rúa Roberto Baamonde, dende a rotonda de Correos ata o cruce coa Avenida de Galicia, e na marxe dereita da Avenida de Galicia á altura da parada de taxis. Os cortes no abastecemento, manteranse ó longo da mañá, mentres dure o desenvolvemento das obras.

LLega 700, compatibilidade rede móbil e TDT

O concello informa que o 31 de xullo rematara o prazo para resolver incidencias na recepción da TDT. O Concello informa o 31 de xullo rematará definitivamente o prazo para solicitar accións gratuítas por parte dos usuarios da TDT, polos posibles efectos que pode provocar a instalación dos novos servizos móbiles de nova xeración en Monforte, 4G e 5G, nas bandas de 700 e 800MHz.

“Llega700” é a entidade xestora encargada de ofrecer os servizos que garantirán a compatibilidade entre a posta en marcha da difusión móbil 4G e 5G nas bandas de 800 e 700 MHz, respectivamente, e a recepción do servizo de TDT.

Para garantir esta compatibilidade, Llega700 pon a disposición dos cidadáns unha serie de servizos gratuítos que inclúen un trámite corrector tras a activación das estacións, para o que esta entidade será a encargada de atender aos usuarios afectados, xestionando e resolvendo os posibles efectos sen ningún custo. Para xestionar estes servizos púxose a disposición dos cidadáns un servizo telefónico gratuíto (900 833 999) e unha páxina web www.llega700.es.