Segundo Courel Vivo este luns quedaron pacientes sen ser atendidos no centro de saúde de Seoane, “cando solicitaban cita médica non urxente para este día quedando únicamente a PSX e o persoal de enfermería para a atención dos usuarios.”

Así, co festivo deste martes, os pacientes deste centro non terán atención non urxente ata o día 26, insisten desde a formación “nunha zona de gran dispersión demográfica e cunha poboación envellecida”.

Aseguran que en caso de urxencia o día 24 “habería que mobilizar os compañeiros do centro máis próximo, situado aproximadamente a 20-30 minutos en coche pola estrada LU-651 nun tramo en obras que dista moito de estar en condicións para este tipo de mobilización”. Demandan polo tanto unha absoluta prioridade para a cobertura dos centros unitarios rurais para garantir os dereitos básicos asistenciais de toda a cidadanía