Novas obras de mellora no barrio do Hospital, nas rúas Abeledos e Corredoira. Dotarase á rúa Abeledos dunha nova capa de rodadura de aglomerado en quente e instalarase nova sinalización vertical e horizontal, dende a rúa Saviñao ata a rotonda da Rolda María Emilia Casas Baamonde. A previsión é que a obra comece ó longo dos próximos meses e sempre dependendo das condicións climatolóxicas.
Na rúa Corredoira levaranse a cabo a mellora do firme con aglomerado en quente dende o Restaurante Carballo ata a rotonda, e dende a rotonda ata a estrada de Currelos.
Este proxecto de mellora inclúe tamén a construción das dúas beirarrúas no tramo entre a entrada ó Hospital e a Rolda María Emilia Casas, o que suporá unha redifinición do espazo destinado ó estacionamento de vehículos.
Na beirarrúa da marxe esquerda, a obra será realizada pola empresa de Mercadona. Esta actuación forma parte dun proxecto que a superficie comercial acometerá para ampliar as súas instalacións en Monforte, concretamente a do soto e do andar baixo correspondentes a o estacionamento e a zona comercial. Despois da ampliación pasarán dos 4.433 metros cadrados, que teñen ahora, aos 7.400 metros cadrados e o investimento de ampliación ascenderá a 2.009.862 euros.
