Nesta aula móbil, os interesados nestes servizos de carácter totalmente gratuíto, contarán co asesoramento de dinamizadores dixitais, podendo programar as citas presenciais ou telemáticas que precisen para unha consulta individualizada.
Algúns dos servizos gratuítos do programa Acelera Peme que se ofrecen son os seguintes:
- Servizo de acompañamento dixital individual e personalizado.
- Análise do estado de dixitalización, soporte e asesoramento á empresa.
- Apoio na implantación de novas solución dixitais ao negocio.
- Consultoría en marketing dixital (redes sociais, e-mail marketing, publicidade…)
- Apoio e acompañamento na solicitude do Kit Dixital.
Coa oficina móbil, a Deputación reforza a actividade que xa se vén desenvolvendo no marco deste proxecto co traballo de 7 axentes dixitais que se moven polas diferentes comarcas e coas oficinas abertas nos concellos de Viveiro, Lugo, A Fonsagrada, Láncara, Monforte e Vilalba.
Neses encontros coas empresas estudan a situación da que parte cada unha delas e buscan ferramentas que encaixen coa súa actividade para beneficiar o seu volume de negocio. Por exemplo, axúdanlles a crear redes sociais e impulsalas para que teñan máis seguidores, tamén á posta en marcha de Whatsapp Business para que interactúen coa súa clientela ou implantan solucións dixitais específicas do seu sector que son moi útiles para os negocios.
Calendario da oficina móbil no sur de Lugo
Luns, 18 de setembro:
- Bóveda – 10.30 horas
- Monforte de Lemos– 12.30 horas
Mércores, 20 de setembro:
- Láncara – 10.30 horas
- O Páramo – 12.30 horas
Luns, 25 de setembro:
- Carballedo – 10.30 horas
- Chantada – 12.30 horas
- O Saviñao – 16.00 horas
- Taboada – 18.00 horas
Luns, 9 de outubro:
- O Incio – 10.30 horas
- Samos – 12.30 horas
- Triacastela – 16.00 horas
Xoves, 19 de outubro:
- Ribas de Sil – 10.30 horas
- Quiroga – 12.30 horas
- Folgoso do Courel – 16.00 horas
Xoves, 9 de novembro:
- A Pobra do Brollón – 10.30 horas
- Pantón – 12.30 horas
Martes, 21 de novembro:
- Paradela – 10.30 horas
- Sarria – 12.30 horas
- Sober – 16.00 horas
