As promesas do Club Quixós de Monforte de Lemos veñen de conquerir doce medallas individuais e unha colectiva, proclamándose campións por equipos .
En canoa, na categoría alevín, deuse un pódium con tres deportistas do club monfortino: Xoel Fernández foi medalla de ouro, Rodrigo Morillo, prata, e Lucas Pavón, bronce.
En canoa, categoría infantil, Sara Inés Varela quedou primeira e Martín Prats foi segundo.
En kayak, na categoría prebenxamín, Breixo Fernández competía só e levou un ouro, mentres que en benxamíns Antón Liñares e Abril Fernández fixeron o propio subindo ao máis alto do pódium.
Tamén en kayak, na categoría de alevíns, Xoel Fernández acadou unha prata; mentres que en infantís Martín Prats alcanzou o ouro, Sara Inés Varela prata e África Guitián bronce.
