A Praia do Val, en Mondariz Balneario, foi o escenario onde tivo lugar a VI proba do Promoción Slalom 2023, competición que serviu tamén para decidir as mellores e os mellores piragüistas individuais e o mellor equipo da tempada.
A concorrencia de deportistas que achegou cada un dos clubs participantes foi moi grande, preto dos 100, sabedores de que se xogaba o Campionato Galego da Xunta de Galicia. A auga estaba lenta e dura, condicionando aos piragüistas a un maior esforzo para acadar os mellores tempos posibles en dúas mangas de competición.
MEDALLEIRO DO CLUB QUIXÓS
Ademais do trofeo ao mellor Club, o Quixós pode presumir de ter acadado 6 campións e campioas galegos/as que xunto con outras/os que subiron ao podium alcanzaron un total de 11 medallas.
O medalleiro quedou como segue:
En C-1 (canoa) alevín home, Xoel Fernández foi ouro e Rodrigo Morillo, prata. En C-1 infantil, Martín Prats e Sara Inés acadaron dúas pratas.
En K-1 (kayak) prebenxamín, Breixo Fernández acadou un ouro; en benxamín Antón Liñares foi ouro, e Mateo Valladares bronce; en alevín Xoel Fernández trouxo unha prata e Martín Prats un ouro en infantil. En benxamín feminino Abril Fernández quedou coa medalla de ouro, e outro tanto fixo Sara Inés en infantil.
Como anécdota, cómpre dicir que Sara Inés Varela e Martín Prats despedíanse nesta competición da tempada como promesas do club, pois na seguinte xa competirán en categorías superiores.
