Baixo o suxestivo título de “Curso de Dixitalización no agro, preparándonos para a que nos vén enriba”, o Sindicato Labrego Galego e COAG organizan unha formación destinada a persoas traballadoras, autónomas e desempregadas que se celebrará os días 9, 10, 23 e 24 de outubro no local que o SLG ten en Chantada (Rúa Emilia Pardo Bazán, 11 Baixo).

As clases impartiranse en horario de 15:30 a 18:30 h., e segundo indican dende a organización, aínda queda algunha praza libre. As persoas que teñan interese poden anotarse enviando un correo electrónico ao enderezo chantada@sindicatolabrego.gal ou chamando aos teléfonos 982 440804 ou 666935548.