A poeta impartirá dúas actividades, ambas enmarcadas no programa Ler Conta Moito da Xunta de Galicia. A actividade de mañá será no colexio da Pobra do Brollón e consistirá nun contacontos en verso baseado nas obras da autora dirixidas a público infantil.
A segunda actividade será ás 18:00 da tarde, dirixida a público adulto, na Casa da Cultura ‘Olga Novo’. Consistirá nunha charla aderezada con anécdotas e poemas, na que Castaño contará como analizou e superou prexuízos e actitudes patriarcais, abríndose paso na profesión como muller, galega e poeta dende tan só 17 anos.
A visita de Yolanda Castaño non é o único evento cultural programado na Pobra do Brollón esta semana. O sábado, 21 de outubro, a Asociación veciñal de Parada dos Montes organiza a proxección do premiado documental do chantadino David Vázquez, O último de Arganeo, centrado na vida e reflexións do mozo pastor leonés, Edilberto Rodríguez. Será con entrada libre ás 19:30 na parroquia de Parada dos Montes.
